Reperja me nam botëror, Cardi B, së fundmi përmes disa imazheve të hedhur në Instastory ka zbuluar disa nga veturat luksoze të koleksionit të saj.
Nga llojet dhe ngjyrat më të ndryshe, Cardi ka tashmë jo më pak se 24 vetura në oborrin e saj, por që asnjërën prej tyre nuk e vozit dot.
Ajo tha se arsyeja e kësaj është fakti se ende nuk ka patentë shofer, dhe si rrjedhojë nuk mund të drejtojë asnjë nga makinat.
Nuk janë të paktë emrat e njohur në Hollywood, të cilët kanë deklaruar se nuk vozitin.
Ditë më parë edhe Jennifer Lopez ka lënë të shokuar opinionin për vet faktin se mori një veturë luksoze dhuratë nga i fejuari i saj për ditëlindjen e pesëdhjetë, por që tha se nuk e voziste dot për shkak se nuk e kishte bërë kurrë një gjë të tillë.
Në anën tjetër, edhe shqiptarja me famë botërore, Bebe Rexha, deklaroi se vetëm pak javë më parë arriti të marrë licensën e ngasjes. /Telegrafi/