Akor Adams nga Montpellier është lideri me pak gjasa në renditjen për Këpucën e Artë Evropiane, një çmim që i jepet në fund të sezonit golashënuesit më të mirë në Evropë.
Me 22 gola në emër të tij deri në nëntor, ai është lehtësisht në renditje më lartë se Serhou Guirassy (14), Harry Kane (12), Erling Haaland dhe Lautaro Martinez (të dy nga 11 gola).
Por, nëse ai ka shënuar vërtet 22 gola deri në nëntor, pse askush nuk po flet për të? Epo, ka një ‘mashtrim’ këtu.
Adams e filloi sezonin e tij në Norvegji, ku sezoni i ligës zgjat nga prilli deri në nëntor. Nigeriani shënoi 15 gola për Lillestrom SK përpara se të kalonte te Montpellier gjatë verës. Në Ligue 1, Adams ka shënuar shtatë gola në nëntë ndeshje. Nëntë në Francë plus 15 në Norvegji e bëjnë atë 22 deri në nëntor.
Është e rëndësishme të kujtojmë se fituesi i Këpucës së Artë nuk është dikush që shënon më shumë gola në Evropë. Përkundrazi, ligave u caktohen koeficientë për të pasqyruar statusin e tyre.
Liga norvegjeze nuk është aq e fortë, ndaj golat atje nuk ‘kushtojnë’ aq sa në Francë apo Angli. Për golat në Norvegji, koeficienti është 1.5; për golat në Francë – 2, njësoj si në Angli.
Koeficienti i Adams për momentin është 36.5, nga të cilët 22.5 është për golat e tij në Norvegji dhe 14 për golat e tij në Francë. Në thelb, kjo do të thotë se golat e tij në Norvegji i dhanë Adams një fillim në formën e 22.5 pikëve në renditjen e Këpucës së Artë. Le të shohim nëse ai mund të mbajë formën e tij në Francë dhe përfundimisht të fitojë çmimin. /Telegrafi/
