Juventusi po pret një ofertë nga skuadra angleze e Ligës Premier, Leicester City, për mbrojtësin italian, Daniele Rugani, në afatin kalimtar të janarit.
25-vjeçari është lidhur me një largim nga klubi me bazë në Torino pasi nuk arriti të fitojë një vend të formacionin titullar.
Ardhja e Matthijs de Ligt nga klubi holandez Ajax për një tarifë transferimi të raportuar prej 75 milionë euro në verë dhe Merih Demiral nga Sassuolo ka zvogëluar edhe më shumë gjasat për minuta loje për italianin.
Ka pasur raporte se Rugani pëlqehet nga Leicester City, të cilët vazhdojnë të kërkojnë një zëvendësim për Harry Maguire, i cili iu bashkua rivalëve të Manchester Unitedit gjatë verës.
Sipas mediumit italian Calciomercato, hierarkia e Juventusit tani është duke pritur për një ofertë zyrtare nga Foxes në javët e ardhshme dhe ata janë të gatshëm ta lënë lojtarin të largohet në mes të sezonit.
Rugani ka qenë në Juventus që nga 2015 kur u transferua nga Empoli për një tarifë transferimi të raportuar prej vetëm pesë milionë euro. /Telegrafi/