Juventusit i duhen edhe tre pikë të tjera për të fituar Scudetton, por një seri rezultatesh të ndërlidhura mund t’iu japin atyre titullin para se të luanin të dielën kundër Sampdorias.
Bianconerët do ta kapnin titullin të enjten në mbrëmje me një fitore te Udinese, por edhe përkundër epërsinë përmes Matthijs de Ligt, ata humbën 2-1 në fund nga golat e Ilija Nestorovski dhe Seko Fofana.
Kjo do të thotë se nëse Atalanta mund Milanin këtë mbrëmje, hendeku do të jetë momentalisht vetëm në tre pikë, por me Juventusin me një ndeshje më pak.
Sidoqoftë, Maurizio Sarri ende mund të sigurojë kurorën në Serie A me vetëm tre pikë të tjera në tre raundet e mbetura.
Ekziston edhe një skenar ku Juventusi mund të fillojë të festojë në hotelin e ekipit përpara se të fillojë ndeshja me Sampdorian të dielën.
Nëse Atalanta humb te Milani, ndërsa Inter dhe Lazio nuk arrijnë t’i fitojnë ndeshjet e tyre ndaj Genoas dhe Veronas, atëherë Juventusi do të jetë kampionë matematikisht.
Kjo për faktin se Juve ka një rekord superior kokë më kokë me të gjitha skuadrat e katërshes së parë, kështu që nëse ata përfundojnë baras me pikë, Bianconerët do dalin të parët.
Sidoqoftë, duke pasur parasysh Zonjën e Vjetër mund të fitojë Scudetton për të nëntin vit radhazi, fakti që Serie A arrin në tre raundet e fundit me katër ekipe që mund të fitojnë matematikisht ende titullin është një situatë e pazakontë.
Pas 35 ndeshjeve të luajtura, Juventusi ka 80 pikë, Atalanta 74, Interi 73 dhe Lazio 72 pikë. /Telegrafi/