Juventusi me disa mungesa ndaj Crotones – formacionet zyrtare

Juventusi dhe Crotone do të takohen në kuadër të javës së 23-të në Serie A.

Të dy skuadrat kanë publikuar formacionet zyrtare për ndeshjen që fillon në ora 20:45 në stadiumin Allianz.

Për këtë takim, Andrea Pirlo nuk mund të llogarisë në lojtarët si, Arthur, Leonardo Bonucci, Giorgio Chiellini, Juan Cuadrado, Paulo Dybala, janë të lënduar, derisa Adrien Rabiot ka plotësuar numrin e kartonëve të verdhë.

Në anën tjetër, Crotone do të jetë vetëm pa Cuomon, që po ashtu është i lënduar.

Formacioni startues i Juventusit: Buffon – Danilo, De Ligt, Demiral, Alex Sandro – Chiesa, Bentancur, Ramsey, McKennie – Kulusevski, Ronaldo.

Formacioni startues i Crotones: Cordaz; Pedro Pereira, Magallan, Golemic, Luperto; Messias, Molina, Vulic, Reca; Ounas, Di Carmine. /Telegrafi/