Juventus Stadium është hapur para gjashtë vitesh dhe sot është një nga arkat që i sjellin më shumë përfitime klubit.
Tani stadiumi quhet Allianz Juventus Stadium pas një marrëveshje që ishte arritur vite më parë.
Në 157 ndeshje që ka zhvilluar Juve, ata kanë 125 fitore, 27 barazime dhe vetëm pesë humbje.
Në gjashtë vite, stadiumi ka shitje të biletave me një mesatare prej 92 për qind, shkruan Calcio e Finanza.
Deri më tani në total janë shitur 5,986,695 bileta.
Sezoni 2010-11 ku Juventusi e kishte zhvilluar në Stadio Olimpico të Torinos, klubi kishte përfituar nga biletat vetëm 10 milionë euro.
Sipas Calcio e Finanza, Juventus Stadium në pesë vite ka fituar mesatarisht 41 milionë euro për sezon.
Në këtë periudhë mesatarja e Milanit është 26 milionë euro për sezon, e Interit 22 milionë euro, ndërsa e Napolit 18 milionë euro.
Por në krahasim me klubet e mëdha evropiane Juventusi mbetet prapa, pasi Real Madrid, Manchester United, Barcelona dhe Arsenali fitojnë nga 119deri në 127 milionë euro nga shitja e biletave. /Telegrafi/