Juventusi rikthen Weston McKennie dhe Arthur Melo në mesfushë kundër Napolit, të cilët kanë Kalidou Koulibaly që kthehet nga pezullimi dhe Amir Rrahmani nga lëndimi.
Ndeshja midis Juventusit dhe Napolit, e planifikuar fillimisht për në tetor të vitit të kaluar, më në fund do të rikuperohet sot në Allianz Stadium nga ora 18:45.
Gjashtë muaj pas datës fillestare, të dy ekipet luftojnë për një vend në Ligën e Kampionëve dhe këtë herë është skuadra vendase që vuan me mungesa për shkak të COVID-19.
💪 #𝙵𝙸𝙽𝙾𝙰𝙻𝙻𝙰𝙵𝙸𝙽𝙴!
🇮🇹 @SerieA_EN
🆚 @en_sscnapoli
🏟 Allianz Stadium
⏰ 18:45 CEST
📲 #JuveNapoli pic.twitter.com/8TCS7Lr56H— JuventusFC (@juventusfcen) April 7, 2021
Merih Demiral, Leonardo Bonucci dhe Federico Bernardeschi kanë rezultuar pozitiv pasi u kthyen nga detyrat e tyre përkatëse ndërkombëtare dhe mungojnë në këtë ndeshje.
Trajneri Andrea Pirlo duket se do të bëjë disa ndryshime nga barazimi 2-2 me Torinon, me Alex Sandro dhe Dejan Kulusevski që pritet të zëvendësohen nga McKennie dhe Arthur.
Paulo Dybala pritet të fillojë nga stoli, ndërsa Alvaro Morata dhe Cristiano Ronaldo titullar në sulm.
Trajneri i Napolit, Gennaro Gattuso pritet të bëjë një mori ndryshimesh pas fitores 4-3 ndaj Crotones herën e fundit, por Alex Meret do të fillojë në portë.
Koulibaly është kthyer nga pezullimi dhe duhet të kthehet drejt në formacionin titullar, ku partner i tij pritet të jetë ylli i Kosovës, Amir Rrahmani.
Diego Demme është kthyer dhe pritet të fillojë në mesfushë, me Fabian Ruiz dhe Piotr Zielinski. Në sulm, Hirving Lozano, Dries Mertens dhe Lorenzo Insigne.
Formacionet e mundshme
Juventus: Szczesny; Cuadrado, De Ligt, Chiellini, Danilo; McKennie, Arthur, Bentancur, Chiesa; Morata, Ronaldo
Napoli: Meret; Di Lorenzo, Rrahmani, Koulibaly, Hysaj; Fabian, Demme, Zielinski; Lozano, Mertens, Insigne
/Telegrafi/