Pos kësaj, tabloidi shkruan se Benitezi do të ketë në dorë të tij fonde ‘të pakufishme’ për të sjellë futbollistët më të mirë në Torino. Raporti shton se ai do ta ketë të lejuar të zgjedhë stafin e tij, pasi që Juventusi po kërkon të rikthehet në skenë si fuqi evropiane dhe globale e futbollit.
Rafael Benitez kishte shprehur hapur pakënaqësinë me pronarët aktualë të Liverpoolit, George Gillet dhe Tom Hicks, për mosinvestim në lojtarë të rinj. Sidoqoftë, ka indikacione që nëse ndërrohen pronarët në Anfield, atëherë Benitez mund të qëndrojë në bankinën e The Reds. /Telegrafi/