Juventusi është njëri prej opsioneve për të ardhmen e Zinedine Zidane, duke qenë se Didier Deschamps pritet të mbetet trajner i Francës – njofton L’Equipe.
Legjenda e futbollit, një ish-lojtar i Zonjës së Vjetër, është lidhur me postin e përzgjedhësit të Les Bleus prej se u largua nga Real Madridi në vitin e kaluar.
Megjithatë, fushata e mirë e Francës nën drejtimin e trajnerit aktual (një tjetër ish-futbollist i Juves), ka bërë që Federata t’i ofrojë kontratë të re.
Sipas L’Equipe, Deschamps do të mbetet në krye të përfaqësueses, ndërsa Zidane do të kërkojë mundësi të tjera.
Juventusi është në mesin e opsioneve të tij, përkundër se Massimiliano Allegri ka kontratë deri në vitin 2025. Pozita e trajnerit të tanishëm të Bianconerëve është vënë në dyshim, sidomos pas dorëheqjes së gjithë bordit të drejtorëve në muajin e kaluar, përfshirë edhe presidentin Andrea Agnelli.
Sidoqoftë, gazeta franceze sqaron se Zizou nuk është duke u ngutur për të gjetur një klub të ri dhe do t’i shqyrtojë opsionet e tij në muajt e ardhshëm. /Telegrafi/
En cas de prolongation de Deschamps en Bleus, Zidane pourrait se chercher rapidement un club https://t.co/Pxfw0cSIcK pic.twitter.com/szT7XYJmku
— L'ÉQUIPE (@lequipe) December 20, 2022