Ish-futbollisti anglez, David Beckham, ka qenë mysafir në emisionin e popullarizuar televiziv, The Ellen DeGeneres Show.
Legjenda e futbollit dhe nikoqirja e emisionit kanë folur për shumëçka, duke i përfshirë edhe fëmijët e tij.
Ndërsa Beckham ka treguar për një rast kur është shfaqur te shtëpia e Justin Bieber për Halloween, pasi këtë ia kanë kërkuar fëmijët e tij.
Dhe derisa po fliste për këngëtarin e famshëm kanadez, ai është shfaqur papritur duke e frikësuar. Justin ka dalë befas nga një kuti që ndodhej prapa ulëses dhe e ka frikësuar Beckhamin.
“Më fal, më thanë ta bëja këtë. Më duhet të shkoj”, ka thënë Bieber dhe është larguar, ndërkohë që David ka vazhduar të flasë lëvdata për të. /Telegrafi/
