Në 18 vjetorin e vrasjes së Ahmet Krasniqit për figurën e tij foli miku i tij kroat, Drazhen Jurkoviq.
Jurkoviq duke folur në akademi kujtoi kontaktet dhe miqësinë e tij me Krasniqin, duke thënë se koloneli kosovar ua mundësoi forcave kroate armatosjen nga kazerma në këtë qytet gjatë luftës që nisi në vitin 1991.
Jurkoviq tha se pa ndihmën e Krasniqit forcat kroate nuk do të mund të luftonin aq suksesshëm në Gospiq.
Ahmet Krasniqi u vra në Tiranë më 21 shtator 1998.
Kolonelin Krasniqi gjatë akademisë, ushtaraku Rrustem Berisha e quajti një njeri që “me tërë qenien e tij u angazhua të bëjë një organizim sa më të mirë që unifikojë faktorin politik dhe ushtarak në atë kohë”.
Berisha kërkoi që trupi i Krasniqit të varroset në Kosovë më së largu deri në 20 vjetorin e vrasjes së tij. /Kallxo.com/