Në fjalimin e tij vjetor para Parlamentit Evropian për “Gjendjen e BE-së”, kryetari i Komisionit Jean-Claude Juncker, paralajmëroi për ndikim të jashtë në Ballkan, përcjell Telegrafi Maqedoni.
“Duhet që ta definojmë mënyrën e pakthyeshme në lidhjen tonë drejt anëtarësimit të vendeve nga Ballkani Perëndimor, në të kundërtën të tjerët do të afrohen drejtpërdrejt në fqinjët tanë”, tha Juncker.
Ai gjithashtu tha se zgjerimin e deri më tanishëm të BE-së e vlerëson të suksesshëm, por se ende “ngelet për të bërë punë” duke aluduar në problemin e qeverisjes së drejtë në shumë vende të evropës juglindore si Hungaria, Polonia dhe Romania.
Juncker vitin e kaluar tha se KE kërkon që t’i jepet “kredibilitet dhe perspektivë” rajonit të Ballkanit Perëndimor.
“Nëse duam më shumë stabilitet në fqinjët tanë, atëherë duhet të kemi kredibilitet dhe perspektivë për zgjerimin drejt Ballkanit Perëndimor”, tha Juncker. /Telegrafi/