Julian Assange-as iu është afruar ekstradimit nga Britania e Madhe në SHBA, pasi qeveria amerikane fitoi fazën e fundit në kërkesën e saj për ekstradim.
Sipas BBC, përcjell Telegrafi, SHBA kishte apeluar kundër një vendimi të janarit të gjykatës në Mbretërinë e Bashkuar që themeluesi i Wikileaks nuk mund të ekstradohej për shkak të shqetësimeve për shëndetin e tij mendor.
Por gjykatësit u siguruan nga premtimet e SHBA-së për të reduktuar rrezikun e vetëvrasjes.
Ai kërkohet në SHBA për publikimin e mijëra dokumenteve të klasifikuara në vitin 2010 dhe 2011.
Gjykatësit e lartë zbuluan se gjykatësja e ulët e kishte bazuar vendimin e saj në janar në rrezikun që Assange që Assange të mbahej në kushte shumë kufizuese burgu nëse ekstradohej.
Megjithatë, autoritetet amerikane më vonë dhanë garanci se ai nuk do të përballej me ato masa më të rrepta nëse nuk kryente një veprim në të ardhmen që i meritonte ato. /Telegrafi/