Gjatë ditëve të fundit në Klinikën “Zhan Mitrev” në Shkup kanë ndodhur dy raste jo të hijshme, në të cilat janë djegur palmat e vendosura në oborrin e Klinikës.
Në dy rastet e ndara, një grup i personave të rinj në orët e vona të natës kanë ndezur palmat të cilat kanë qenë të mbjellura rreth parkingut dhe në kopsht, përcjell Telegrafi Maqedoni.
Nga Klinika “Zhan Mitrev” informojnë se rasti i parë është regjistruar të shtunën (11/08/2018) në orën 01:30, ndërsa rasti i dytë të mërkurën (15/08/2018) në orën 02:30.
“Incidentet janë regjistruar nga kamerat e sigurisë dhe do të përdoren për procedurë të mëtejshme gjatë hetimeve. Pyesim se kujt i pengojnë palmat dhe pse dikush mund ta bëjë këtë?”, thonë nga Klinika.
Për momentin nga organet kompetente nuk ka asnjë njoftim, të dyshuar ose të arrestuar për këto incidente./Telegrafi/
