Simptomat e kancerit të vezoreve mund të jenë shumë të papritura, dhe ato kanë të bëjnë me ndjenjën e ngopjes
Simptomat e kancerit të vezoreve nuk duhet patjetër të lidhen me dhimbjen, por edhe me problemet që nuk do t’i konsideronit si një sëmundje serioze në shfaqjen e parë të këtyre simptomave, transmeton Telegrafi.
Kanceri i vezoreve është kanceri i dhjetë më i zakonshëm te gratë, i pesti në vdekshmërinë nga të gjithë kanceret që prekin gratë dhe i pari në vdekshmërinë nga të gjitha kanceret gjinekologjike.
Ndër simptomat janë dy që nuk do t’i konsideronit sëmundje të sistemit riprodhues dhe mund t’i ngatërroni me problemet e tretjes.
Ndjenja e ngopjes është intensifikuar në kancerin e vezoreve, që do të thotë se hani më pak, dhe tashmë keni përshtypjen se jeni ngopur.
Fryrja ose gazrat mund të jenë gjithashtu një shenjë se diçka nuk është në rregull.
Ndjenjat e shqetësimit ose dhimbjes në bark, si dhe dhimbjet e shpinës që nuk largohen kurrë, janë gjithashtu një sinjal për të shkuar te mjeku dhe për të kontrolluar gjendjen tuaj shëndetësore.
Ënjtja e stomakut, ose largimet e shpeshta “urgjente” për të zbrazur fshikëzën, mund të jenë një nga simptomat e kancerit të vezoreve.
/Telegrafi/