Shifra prej 324.000 qytetarëve të cilëve qeveria do të japë kart pagesa është një statistikë shkatërruese, tha për “TV21” analisti ekonomik Branimir Jovanoviq, një ish këshilltar i ministrisë së financave.
Sipas tij, në këtë mënyrë, qytetarëve u jepet, siç thotë ai, thërrime në vend që të zgjidhjes së problemit në mënyrë sistematike.
“Statistikat janë padyshim tmerruese, duke marrë parasysh që numrat janë edhe më keq se kjo, sepse pensionistët nuk përfshihen në këtë numër. Shumica e pensionistëve, me gjasë gjysma e tyre, gjegjësisht 150.000 marrin pensione që janë më pak se 15.000 denarë. Shkalla e varfërisë zyrtare në vend është rreth 22 përqind, pra 455.000 persona në vendin tonë jetojnë në varfëri relative, ndërsa sipas Bankës Botërore, varfëria absolute në vend është 110.000, pra shumë qytetarë jetojnë në më pak se 40 denarë në ditë”, tha Jovanoviq./Telegrafi/