Joshua Kimmich nuk do të luaj më këtë vit për Bayern Munichun.
Mesfushori gjerman ndeshjen e fundit e ka luajtur më 6 nëntor ndaj Freiburgut dhe që nga ajo kohë nuk ka zbritur më në fushë shkaku i COVID-19.
26-vjeçari ka humbur pesë ndeshje deri më tani, por ai nuk do të luaj fare brenda vitit 2021.
Ka qenë vetë mesfushori gjerman që ka konfirmuar se nuk do të luaj këtë vit dhe se do të jetë i gatshëm në fillim të vitit të ri.
“Jam i lumtur që ka përfunduar vet izolimi i shkaktuar nga coronavirusi. Jam mirë, por nuk arrij dot që të stërvitem 100% për shkak të një shqetësimi të lehtë në mushkëri”.
“Do të vazhdoj rehabilitimin dhe mezi pres që të rikthehem në fushë në formën optimale në janar”, ka thënë mesfushori për faqen zyrtare të Bayernit. /Telegrafi/