Jose Mourinho ka thyer heshtjen në rrjetet sociale mes raportimeve se që nga sezoni i ardhshëm do të jetë në krye të Fenerbahces.
Mourinho pritet të rikthehet sërish në zejen e trajnerit, teksa gazetari italian Gianluca Di Marzio ka pretenduar se portugezi do të nënshkruajë një kontratë dyvjeçare me gjigantin turk.
Ai ende nuk ka mbërritur në Turqi, por pjesa e kontratave pritet që të finalizohet në një marrëveshje e cila do të përfshijë opsionin e zgjatjes së marrëveshjes edhe për 12 muaj të tjerë.
Para se të bëhet njoftimi zyrtar nga ana e klubit, Mourinho ka lëshuar një përditësim rreth të ardhmes së tij përmes një postimi “të fshehtë” në Instagram.
Përmes një story të publikuar, ai ka ndarë fotografinë e dy valixheve të tij duke lënë të aludohet se do të udhëtojë diku së shpejti.
Mourinho duket se ka paralajmëruar udhëtimin e tij në Londër, pasi do të jetë pjesë e TNT Sports për të dhënë mendimin e tij në lidhje me finalen e Ligës së Kampionëve mes Real Madridit dhe Dortmundit.
Dy herë fituesi i Ligës së Kampionëve do të dhurojë mendimin e tij së bashku me Rio Ferdinand, Owen Hargreaves dhe Steve McManaman.
Portugezi më herët e kishte fituar këtë garë me Porton në vitin 2004 dhe me Interin në vitin 2010.
Ai pritet që ta udhëheq Fenerbahcen ne Ligën e Kampionëve që nga sezoni i ardhshëm pasi këta të fundit u pozicionuan në pozitën e dytë në Superligën e Turqisë këtë sezon./Telegrafi/