Trajneri i Manchester United, Jose Mourinho, beson se Paul Pogba, është lojtar klasi dhe mund të luajë edhe në qendër të mbrojtjes.
Francezi u bashkua me ‘Djajtë e kuq’ për 89 milionë funte nga Juventusi.
Deri tani, 23-vjeçari është përdorur si mesfushor qendre (para mbrojtjes, me sistemin 4-2-3-1), por shumë analistë mendojnë se ish-ylli i Juventusit duhet të luajë më përpara.
Gjithsesi, ish-trajneri i Chelsea-t ka besim se nënkampionati i Evropës mund të luajë edhe më mbrapa.
“Pogba është lojtar klasi dhe unë mendoj se ai do të ishte fenomenal edhe si qendërmbrojtës, me cilësinë e pasimeve të tij, me lojën e tij në ajër, me shkathtësinë e tij me gjithë atë trup që ka”.
“Për aspektin defensiv të lojës, duke marrë topin nga mbrapa ai mund të jetë një qendërmbrojtës fenomenal. Ai mund të luajë në shumë pozicione”, ka thënë Mourinho për Sky Sport. /Telegrafi/