Mirel Josa ka folur pas barazimit të Prishtinës me Flamurtarin në ndeshjen e parë të sezonit të ri të Ipko Superligës së Kosovës.
Prishtina nuk ka mundur të marr më shumë se një barazim 1-1 në udhëtim te rivali lokal i Flamurtarin, por ky rezultat nuk është negativ sipas trajneri Josa.
“Nuk mund të them që barazimi është një rezultat negativ. Në dhjetë minutat e para të ndeshjes ne ishim në gjumë. Duhej të bënim më mirë në krah, sidomos në 30 minutat e fundit”, ka thënë fillimisht Josa pas ndeshjes.
“Nuk duhet të presim gola vetëm nga sulmuesit edhe pse jemi përforcuar në këtë repart. Kemi lojtarë të tjerë që vijnë nga krahu dhe që duhet shënuar gjithashtu”.
“Gjithsesi ky është vetëm fillimi dhe mangësitë mund të korrigjohen në vazhdimësi”, përfundoi trajneri i Prishtinës.
Ndryshe, Prishtina në ndeshjen e dytë e pret në shtëpi ekipin e inkuadruar këtë edicion në Superligë, Dukagjinin e Klinës. /Telegrafi/