Jorge Mendes thuhet se i ka ofruar Napolit shërbimet e Cristiano Ronaldos në një përpjekje për t’i gjetur klientit të tij një largim nga Manchester Unitedi.
Ylli 37-vjeçar portugez është qartësisht i gatshëm për një largim nga Djajtë e Kuq këtë verë, pasi ai kërkon të vazhdojë dominimin e tij individual në Ligën e Kampionëve.
Megjithatë, deri më tani asgjë nuk është materializuar, me klubet kryesore si Bayern Munich, Chelsea dhe Paris Saint-Germain të fokusuar në objektivat më të rinj.
Sipas gazetës spanjolle AS, Mendes së fundmi ia ka ofruar Ronaldos disa klubeve nëpër Evropë, përfshirë Napolin.
Ai dëshiron të luajë në Ligën e Kampionëve, por një lëvizje në një numër skuadrash të përshtatshme tashmë është përjashtuar, duke kufizuar disi opsionet e tij.
Per la stampa spagnola il Napoli è più vicino a CR7. Club azzurro ci prova, Cristiano Ronaldo sarebbe la nuova icona dopo Maradona | #ANSA https://t.co/c089ijyCC9
— Ansa Calcio & Sport (@ansacalciosport) July 28, 2022
Manchester Unitedi do të ishte i gatshëm ta dërgonte atë në huazim, por pengesa më e madhe për momentin është paga e tij, e cila do të kushtonte të paktën 8 milionë euro neto në sezon.
Ndërsa një marrëveshje duket mjaft e pamundur në këtë fazë, dështimi i Napolit për të nënshkruar me Paulo Dybala do të thotë se ata kanë ende disa burime në dispozicion. /Telegrafi/