Basketbollisti më i mirë që ka njohur historia, Michael Jordan, ka thyer heshtjen dhe ka folur për besnikërinë e Russell Westbrook ndaj ekipit të tij Oklahoma City Thunder.
Jordan i cili kaloi pjesën kulminante të karrierës së tij te Chicago Bulls, nuk ka mundur të mos kyçet në sagën transferuese të Kevin Durant te Golden State.
Sipas shumë njerëzve, transferimi i Kevin Durant te Golden State në kërkim të titullit të kampionit duke lënë vet shokun e tij të kahmotshëm, Russell Westbrook – është asgjë tjetër pos tradhëti.
Dhe një mendim të ngjashëm ndanë edhe Michael Jordan, i cili vlerëson lart besnikërinë e Ëestbrook, i cili i ka qëndruar besnik ekipit të tij përkundër largimit të Durant.
“Besnikëria nuk mund t’i mësohet një njeri. Njeriu lindet besnik”, u shpreh Jordan.
Transferimi i Kevin Durant te Golden State ka nxitur pafund polemika, kryesisht duke kontestuar këtë lëvizje të tij.
Deri tash këtë sezon Ëestbrook ka një mesatare të shkëlqyer prej mbi 30 pikësh për ndeshje, megjithëse ekipi i tij fitoi ditë më parë ndaj Houstonit ndeshjen e parë pas katër humbjeve rresht. /Telegrafi/