Kryeministri britanik, Boris Johnson, tha se qeveria mund të zbatojë masa të reja kufizuese pasi Mbretëria e Bashkuar do të përballet me një valë të dytë “të pashmangshme” të COVID-19.
Sipas Reuters, përcjell Telegrafi, autoritetet britanike raportuan të premten se kabineti qeveritar po e shqyrtonte mundësinë e një bllokimi të dytë mbarëkombëtar duke marrë parasysh rritjen e rasteve të reja.
Kjo rritje e rasteve erdhi si pasojë e valës së dytë e cila ishte pandalshme, deklaroi kryeministri.
“Ne po e shohim një valë të dytë, e cila kam frikë se do të jetë e pashmangshme”, u shpreh Johnson.
I pyetur nëse vendi duhej të përgatitej për një bllokim të ri mbarëkombëtar ai u përgjigj se nuk e dëshiron një gjë të tillë. /Telegrafi/