John Travolta nuk do ta harrojë kurrë momentin kur kërceu me Princeshën Diana.
Në një moment ikonik, Diana dhe Travolta u rrotulluan rreth katit duke vallëzuar së bashku në një darkë shtetërore të Shtëpisë së Bardhë në 1985 të organizuar nga Presidenti i atëhershëm Ronald Regan dhe Zonja e Parë, Nancy Reagan.
Këtë javë, aktori, 67 vjeçar, e ringjalli momentin gjatë një interviste për Esquire Mexico, duke pranuar se nuk ishte përgatitur për të kërcyer me Princeshën e Uellsit.
“Nuk mendoja se do të më kërkonin të kërceja me të. Unë kisha privilegjin dhe nderin më të madh ta bëja këtë dhe mendova, ‘duhet të ketë një arsye për ta bërë këtë dhe më mirë t’i jap të gjitha’”, zbuloi ai. “Kjo do të thoshte të drejtoje vallëzimin mirë dhe të sigurohemi që të argëtoheshim. Kjo ishte pjesa e lehtë, por vetëm fakti i përshëndetjes së duhur të Dianës, të qenit i sigurt dhe t’i kërkohej asaj të kërcejë ishte një detyrë e ndërlikuar”.
Travolta theksoi se kjo ishte si një ‘përrallë’ që do të vazhdonte ta mbante mend për dekadat e ardhshme.
“Ne ishim në Shtëpinë e Bardhë. Skena është si një ëndërr. Unë i afrohem pak, i prek bërrylin, e ftoj të vallëzojë”, tha ai. “Ajo rrotullohet dhe më jep atë buzëqeshjen joshëse, paksa të trishtuar dhe pranon ftesën time. Dhe atje ishim, duke kërcyer së bashku sikur të ishte një përrallë”.
https://www.youtube.com/watch?v=h57Ky_lj8uM&ab_channel=ROYALTUBE
Ai shtoi, “Kush mund të imagjinonte ndonjëherë që diçka e tillë do të ndodhte? Unë isha mjaft i zgjuar për ta vulosur atë në kujtesën time si një moment shumë të veçantë, magjik”.
“Unë kurrë nuk do ta harroj atë”, vazhdoi ai. “Unë jam aq i nderuar që isha në gjendje ta përjetoja këtë, dhe e di me siguri që ishte pika kryesore e saj për të qenë në Shtetet e Bashkuara; ishte momenti i saj i preferuar. Kështu që unë ndiej se ia bëra jetën më të mirë”.
Gjatë një paraqitje të “Good Morning America” në 2016, Travolta u pyet nëse kishte ndonjë gjë nga vitet ’80 që ai do të dëshironte të sillte përsëri në vitet 2010. Ai tha se do të donte të kërcente përsëri me ndonjë nga familja mbretërore.
“Po, kam kërcyer me Princeshën Diana në 1986”, tha ai. “Kjo ishte një nga pikat kryesore të jetës time, kështu që ndoshta është momenti më i mirë i viteve ’80”. /Telegrafi/
