Presidenti i SHBA-së, Joe Biden ka thënë se pafajësia e paraardhësit të tij, Donald Trump për nxitjen e dhunës në Kongresin amerikan është një kujtesë se “demokracia është e brishtë”.
Shtatë republikanë u bashkuan me demokratët në votimin për të dënuar, duke rënë më pak se shumica e dy të tretave të nevojshme për ta bërë këtë, raporton bbc.
Biden tha se akuza, në lidhje me rolin e Trumpit në trazirat e Capitol muajin e kaluar, “nuk ishte në mosmarrëveshje”, ndërsa kërkonte të lëvizte nga procesi, transmeton Telegrafi.
Trump e ka mirëpritur shfajësimin e tij, duke e quajtur fajësimin një “gjueti shtrigash”. Në Senat të shtunën, gjyqi përfundoi me një votim 57-43 në favor të dënimit, i cili nuk ishte i mjaftueshëm për ta dënuar republikanin.
Votimi u nda kryesisht përgjatë vijave të partisë, me shtatë republikanët që u bashkuan me 48 demokratët e Senatit dhe dy të pavarur në votimin për të dënuar. /Telegrafi/