Pagesa prej 5 eurosh për çdo kalim për autoveturat në Rrugën e Kombit do të jetë me kategorizim, ku jo çdokush që kalon në këtë rrugë do të paguajë këtë tarifë.
Kategorizim veçanërisht do të ketë popullsia vendëse, pikërisht ajo e Kukësit, Hasit, por edhe e Tropojës, që e kanë këtë rrugë jetike për të realizuar aktivitetin normal jetësor e ekonomik. Kështu që banorët e këtyre zonave nuk do të jenë targeti i vendosjes së kësaj tarife, shkruan sot Koha Ditore.
Këtë fakt e ka bërë të ditur ministri i Transporteve e infrastrukturës së Shqipërisë, Edmond Haxhinasto, në prag të shpalljes së kompanisë që do të marrë me koncesion autostradën Milot-Kukës-Morin. /Telegrafi/