Studimet amerikane kanë treguar se konsumi i sheqernave të ndryshme ka efekte të ndryshme në organizmin e njeriut përfshirë edhe masën e belit dhe indeksin e masës trupore.
Madje studimet kanë treguar se njerëzit që kishin më pak masë në bel shumicën e energjisë e kishin marrë nga karbohidratet, në të cilin grup të lëndëve bëjnë pjesë edhe sheqernat.
Autorët e studimit thonë se çelësi për të pasur peshë normale trupore dhe bel më të hollë është lloji i karbohidrateve të cilin e konsumon personi.
Personat të cilët kishin pasur bel më të hollë kanë konsumuar karbohidrate të pasura me fibra të patretshme – siç janë pemët, perimet dhe drithërat e plota.
Ndryshe, personat të cilët kanë konsumuar karbohidrate të rafinuara, kanë pasur gjasa më të mëdha për të shtuar masë rreth belit.
Masa rreth belit, që quhet edhe trashësia abdominale, mund të jetë një faktor i rëndësishëm i nxitjes së sëmundjeve kardiovaskulare, vdekjen së parakohshme, goditjes në tru, diabetit tip 2, disa formave të kancerit dhe presionit të rritur të gjakut. /Mjeku.Net/Telegrafi/