Prezantuesi amerikan, Jimmy Fallon, i ka kërkuar falje stafit të “The Tonight Show” pasi kishte akuza për mjedis pune “toksik”.
Revista Rolling Stone bëri të enjten një raportim në të cilin shumë punonjës pretendonin se “The Tonight Show” ka qenë një vend pune toksik për vite me radhë për shkak të sjelljes së çrregullt të Fallon.
Fallon, i cili mori përsipër programin nga Jay Leno në vitin 2014, mbajti një takim të shkurtër të Zoom të enjten në mbrëmje dhe i kërkoi falje stafit, raportoi gazeta amerikane Variety.
“Është e turpshme dhe ndihem shumë keq. Më fal nëse të kam turpëruar ty, familjen dhe miqtë e tu. Ndjehem aq keq sa nuk mund t’ju them”, tha 48-vjeçari.
“Dua që kjo shfaqje të jetë argëtuese, duhet të jetë gjithëpërfshirëse për të gjithë, duhet të jetë qesharake, duhet të jetë shfaqja më e mirë, njerëzit më të mirë”, shtoi ai.
Rolling Stone foli me dy punonjës aktualë dhe 14 ish-punonjës të cilët pohuan se mjedisi i punës i shfaqjes ka qenë “shumë jashtë kufijve të asaj që konsiderohet normale në botën e presionit të lartë të televizionit”.
Sipas stafit, mjedisi i “shëmtuar” filloi në krye, me Fallon që shfaqte sjellje “të çrregullta” që çuan në lëkundje të vazhdueshme në ekipet drejtuese të shfaqjes.
Një punonjës i stafit pretendoi se ata ishin pushuar nga puna pa shpjegime dhe paralajmërime paraprake.
Sipas raportimit, burime të shumta pretenduan se Fallon kishte një histori shpërthimesh dhe ai do të sulmonte stafin kur ishte nën presion. Ata akuzuan gjithashtu stafin e lartë të mëparshëm për ngacmim dhe nënçmim të tyre. /Telegrafi/
