Edhe pala serbe edhe ajo shqiptare duhet të punojnë në zgjidhjen e problemit të të pagjeturve, deklaroi Ministri për Komunitete dhe Kthim Dalibor Jevtiq me rastin e Ditës Ndërkombëtare të të Pagjeturve.
Ministri Jevtiq ceku që ekziston një numër i madh i rasteve të pazgjidhura të njerëzve të zhdukur dhe që lufta kurrë nuk i ka sjell askujt asgjë të mirë.
“Të dyja palët kanë humbur dhe pësuar shumëçka. Për këtë temë do të duhej të bisedohej në nivele të ndryshme, jo vetëm në kuadër të dialogut politik, porse ai dialog duhet të bëhet edhe brenda vetë shoqërisë civile, sepse në këtë mënyrë do të tejkalojmë një situatë të tillë e cila është e rëndë dhe e dhimbshme, e më e rënda është që edhe pas tërë këtyre viteve pas konfliktit të armatosur familjarët e të zhdukurve nuk i dijnë se ku janë varret e më të dashurve të tyre” nënvizoi Jevtiq./Telegrafi/