Ministria për Komunitete dhe Kthim përmes një njoftimi për media ka përgënjeshtruar lajmin se zëvendëskryeministri dhe ministri Dalibor Jevtiq do të shkojë në Lutjet e Mëngjesit në Washington në vend të kryeministrit Ramush Haradinaj.
“Duke pasur parasysh se disa media në gjuhën shqipe kanë publikuar informata se Zëvendëskryeministri dhe Ministri për Komunitete dhe Kthim, Dalibor Jevtic, do të shkojë në Mëngjesin Kombëtar të Lutjeve Kombëtare në vend të Kryeministrit Ramush Haradinaj, duhet të japim një shpjegim:
Zëvendëskryeministri i Qeverisë dhe Ministri për Komunitete dhe Kthim ftesën për Mëngjesin Kombëtar të lutjeve e ka marrë që në fillim të dhjetorit. Ftesa i është dërgua personalisht Zëvendës Kryeministrit Dalibor Jevtiq, kështu që në këtë rast, Jevtiq nuk është deleguar për të zëvendësuar Kryeministrin Ramush Haradinaj në këtë aktivitet, por ai po udhëton në Uashington me ftesë personale. Zëvendëskryeministri Jevtiq do të marrë pjesë në një mëngjes lutjeje me bashkëshorten e tij, Milenën.
Prandaj, u kërkojmë të gjithë atyre që kanë publikuar informacione ndryshe nga ajo që është dërguar nga Zyra e Komunikimit Publik të Ministrisë për Komunitete dhe Kthim, ti korrixhojnë për t’u lejuar lexuesve / shikuesve të kenë informacionin e duhur për gjithçka që u tha më lart”, thuhet në njoftim. /Telegrafi/