Një djalosh nga Elbasani ka tronditur publikun shqiptar, duke përshkruar jetën e vështirë dhe të tmerrshme që i është dashur të kalojë.
I larguar nga shtëpia, djali në kushte anonimiteti ka rrëfyer përdhunimet seksuale që ka përjetuar nga bandat kriminale.
“Jam nga Elbasani. Babai më ka vdekur. Me njerkun nuk kaloja mirë. Edhe mamaja ime trajtohej keq nga njerku. U detyrova të largova të largohesha nga shtëpia. Isha 12 vjeç. Një burrë kreu marrëdhënie seksuale me mua. U detyrova të bëja ç’më thoshte ai”, u shpreh ai te “E diela shqiptare”.
“Ai filloi të më shiste. Ishte person që kishte lidhje me bandat kriminale. Pastaj mora një sëmundje, një lloj infeksioni. Dhe i them që dua të mos vazhdoj më me këto. Pastaj më çoi tek një tjetër ku jetonin gjashtë veta. Ai më tha që do ta heq sëmundjen që ke, por do bësh ç’të them unë. Një ditë i them do iki në spital se jam shumë keq. Një ditë më kapi Policia. Më pas njihem me një organizatë që më ndihmoi, më hoqi atë sëmundje që kisha. Më ndihmoi për të mos u shfrytëzuar nga të tjerët”, vazhdon rrëfimin djali.