Gjysmë viti pas shkurorëzimit nga ish-gruaja e tij, Jenna Dewan, aktori Channing Tatum është në lidhje të re me këngëtaren Jessie J.
Për lidhjen e tyre është duke u spekuluar qe një kohë, mirëpo ata vetëm tani kanë konfirmuar se janë bashkë.
Jessie J e ka publikuar një video në Instagram nga premiera londineze e shfaqjes “Magic Mike”, ku luan Tatum.
Ajo e ka uruar aktorin për këtë shfaqje dhe ua ka rekomanduar njerëzve që të mos e humbin.
Deri më tani vetëm është spekuluar nga burimet dhe njerëzit që i kanë parë bashkë, kurse kjo është hera e parë që dyshja e konfirmojnë lidhjen e tyre.
Channing në të kaluarën ka qenë i martuar me aktoren Jenna Dewan, me të cilën ka një vajzë.
Në ndërkohë, edhe ish-gruaja e tij ka dalë publikisht me partnerin e saj të ri, Steve Kazee. /Telegrafi/