Ajo është takuar me aktorin Channing Tatum në vitin 2018 dhe Jessie J ka thënë se dëshiron të ketë një fëmijë, edhe pse muaj më parë deklaroi se nuk është në gjendje të ketë lindje të natyrshme.
Ylli i “Voice Kids”, 31 vjeçe, i tha The Mirror: “Unë ende besoj në mrekulli. Dhe siç e dinë gratë, nganjëherë nuk ndodh vetëm, është një proces”.
“Arsyeja për të cilën kam folur më parë nuk ishte për simpati dhe ende nuk është, është çështje për të cilën duhet të flasë”.
Nga ana tjetër, Channing, 39 vjeç, ka një vajzë Everly, gjashtë vjeç, nga martesa e tij me Jenna Dewan, 38 vjeçe.
Këngëtarja u shfaq në Good Morning Britain të premten për të folur për rolin e saj në The Voice Kids, ku ajo është një trajnere dhe mentore. Ajo gjithashtu u shfaq në Lorraine dhe kur u pyet për marrëdhënien e saj me Channing nuk dha ndonjë koment.
Në nëntor, Jessie performoi në skenën e ‘The Royal Albert Hall’ dhe në një moment vendosi të ndajë me tifozët e saj lajmin e trishtuar. Para se të këndonte këngën “Four Letter Word”, Jessie J u shpreh për audiencën: “Katër vjet më parë, mua mu dha lajmi se nuk do të jem në gjendje të kem fëmijë, dhe unë këtë nuk e ndava menjëherë me ju, për shkak se më vinte keq, sepse unë jam vetëm një nga miliona femra dhe meshkuj që kalojnë nëpër këtë gjendje”, tha ajo. /Telegrafi/
