Jessica Wheeler (38) nga Teksasi njihet si “mbretëresha e protezave”, e cila mahniti njerëzit me transformimet e saj.
Edhe pse ajo ka humbur shumicën e dhëmbëve për shkak të problemeve shëndetësore, kjo nuk e ka penguar atë të përqafojë pamjen e saj, si personalisht ashtu edhe në internet. Me kalimin e kohës, ajo u bë një yll i vërtetë viral.
Jessica ka kënaqur miliona njerëz në mbarë botën me aftësinë e saj për të transformuar veten, duke përdorur proteza dhe make-up.
Ajo gjithashtu tërhoqi vëmendjen me humorin e saj dhe shpesh flet për jetën e saj, udhëtimet dhe mënyrën se si ka takuar grupe të ndryshme njerëzish, transmeton Daily Mail.
“Nuk guxoj të konsumoj produkte të qumështit, të cilat shkaktuan mungesë të kalciumit dhe vitaminës B12 në trupin tim. Unë gjithashtu luftoj me një mungesë serioze të vitaminës D, e cila ndikon në përthithjen e kalciumit. Prandaj i prezantoj artificialisht”, ka shpjeguar Jessica.
Para se të vendoste për një protezë, ajo provoi implantet, por trupi i saj refuzoi objektet e huaja, ndërsa dhimbja ishte e padurueshme.
Jeta e saj u bë mjaft emocionuese kur zbuloi TikTok dhe filloi të dokumentonte përvojat me mbajtëset. /Telegrafi/