Sot i është dhënë lamtumira e fundit, biznesmenit Dritan Mezini.
Në ceremoninë e varrimit kanë marrë pjesë familjarë, kolegë të tij e qytetarë të shumtë, transmeton Telegrafi.
Dritan Mezini ishte një prej ekspertëve më të mirë në fushën e punësimit dhe teknologjisë së informacionit.
Pas lajmit të vdekjes së biznesmenit, ka reaguar edhe kryeministri Edi Rama. Ai ka shprehur ngushëllimet për ndarjen e parakohshme të Mezinit nga jeta.
Me një përvojë të pasur mbi 27 vjet, Dritan Mezini solli ekspertizë të plotë në fushën e sipërmarrjes, transformimit digjital, të tregtisë elektronike, menaxhimit të projekteve, si dhe të burimeve njerëzore./Telegrafi/
