Në varrezat e qytetit të Pejës, familjarë e miq të shumtë, i dhanë sot lamtumirën e fundit Agim Llukës.
Pas një sëmundje të shkurtër, ai ka ndërruar jetë të mërkurën në moshën 60-vjeçare.
Agim Lluka ishte ndër drejtuesit më të spikatur të segmenteve të Korporatës Dukagjni, përfshirë edhe RTV Dukagjinin.
Roli i Agimit mbetet i madh në zhvillimin e jetës letrare, arsimore e kulturore edhe në sistem paralel, duke e vënë shtypshkronjën Dukagjini në dispozicion të rrethanave të kohës së okupimit në shërbim të institucioneve të Kosovës.
Pas luftës ishte ideator i themelimit të Radio Dukagjinit.
U shqua si mbështetës i librit me shtëpitë botuese, ombrellë e korporates.
Ai do të mbetet në kujtesë për zellin, kontributin e madh dhe urtësinë e dëshmuar për dekada./Telegrafi/
