Aktori dhe aktivisti nga Gjakova, Art Kurti, i cili ndërroi jetë dje (e martë), është varrosur sot (e mërkurë) në në tyrben e Sheh Fetahut në dalje të Prizrenit.
Familjarë, miq, kolegë e dashamirës të shumtë ishin të pranishëm në ceremoninë e varrimit të të ndjerit, që u nda nga jeta në moshë të hershme.
Ai u gjet i vdekur dje në veturën e tij, në rrugën Gjakovë-Goden, ndërsa rastin në fjalë e konfirmuan edhe Policia e Kosovës.
Në varrim, u panë të pranishëm edhe shumë pre figurave publike, ku nuk mungoi edhe i pari i Gjakovës, kryetari Ardian Gjini.
Reperi Gold AG, i cili ishte mik i të ndjerit, u pa të jetë prezent në varrim gjithashtu.
Art Kurti ishte i njohur për publikun si një nga aktorët e hit-seriali “O Sa Mirë”.
Prej vitit 2017 ai kishte shërbyer edhe si këshilltar në forumin për rini në komunën e Gjakovës. /Telegrafi/