Më datë 20 gusht do të mbahet nata finale e “MTV Video Music Awards”.
Në këtë natë shumë artistë të njohur ndërkombëtarë do të shpërblehen me çmime.
Tre artistet shqiptare: Rita Ora, Dua Lipa e Bebe Rexha janë po ashtu të nominuara në këtë natë, dhe presin që të shpërblehen.
E njëra ndër artistet e cila do të marrë çmim honorifik, është këngëtarja e njohur Jennifer Lopez.
Ajo do të nderohet me trofeun e “MTV Michael Jackson Video Vanguard Award”.
E nderuar që do të marrë këtë çmim, J.Lo nuk nguroi që ta bëjë të ditur këtë gjë për fansat përmes rrjeteve sociale.
“Unë u rrita në epokën e MTV”, ka thënë Jennifer Lopez në intervistën e dhënë për MTV.
Fituesit e mëparshëm të këtij çmimi honorfik kanë qenë emrat en johur si: Rihanna, Justin Timberlake, Beyonce, Kanye West, Madonna dhe Pink. /Telegrafi/
