Jennifer Lopez dhe Alex Rodriguez duket se kanë hedhur poshtë zërat për ndarje.
Javën e kaluar, raportimet treguan se 51 vjeçarja dhe ish-profesionisti i bejsbollit, 45 vjeç, kishin përfunduar fejesën e tyre pas disa vitesh së bashku.
Jo shumë kohë më vonë, të dy dhanë një deklaratë për Fox News që thoshte: “Të gjitha raportimet janë të pasakta”.
“Ne jemi duke punuar nëpër disa gjëra”, vazhdoi deklarata.
Vetëm disa ditë më parë, u raportua se Rodriguez udhëtoi për në Republikën Dominikane, ku Lopez aktualisht po xhiron një film.
Në disa fotografi të publikuara nga DailyMail, dyshja shihen duke u argëtuar mjaft shumë me njëri-tjetrin.
Në imazhet e tjera, aktorja e “Hustlers” duket e lumtur kur përshëndetet me A-Rod dhe duke shkëmbyer puthje me të pas mbërritjes në vendin ku po qëndron.
Një burim pranë revistës People tha se këngëtarja ‘ishte e emocionuar për të parë Rodriguez’, përpara ribashkimit të tyre.
“Ata vërtet po përpiqen t’i kuptojnë gjërat”, shtoi burimi. “Ishte një ribashkim i bukur”.
Raportimi i parë nga Page Six kishte të bënte me atë se Jennifer ka qenë e zënë në Republikën Dominikane për të parë një film, kurse Alex në Miami duke u përgatitur për sezonin e bejsbollit.
Raportimet e fundit po ashtu flisnin për një tradhti të Rodriguez me yllin e “Southern Charm”, Madion LeCroy, gjë që nuk doli të jetë e vërtetë.
Burimi i afërt me Fox News deklaroi se një person i tretë ‘nuk ishte i përfshirë’ në çështjen e Jennifer Lopez dhe Alex Rodriguez. /Telegrafi/
