Këngëtarja e famshme, Jennifer Lopez, dhe i dashuri i saj, Alex Rodriguez, ditë më parë i dhanë fund beqarisë.
Ishte ky i fundit, ai i cili vendosi t’i bëjë një propozim romantik 49-vjeçares, e cila i ka thënë “Po”, pyetjes për martesë nga partneri i saj.
Së fundmi, ishte vet J.Lo ajo e cila vendosi të ndajë me ndjekësit e saj në rrjetin social Instagram disa fotografi, nga momenti kur mori propozimin për martesë nga Rodriguez.
Imazhet shfaqin çiftin pranë bregdetit, ku Alex i ulet në gjunjë Jenniferit, duke i vendosur asaj unazën në gisht.
E emocionuar, Jennifer pranon unazën dhe ulet për t’i dhënë puthjen e pranimit partnerit të saj.
“3.9.19”, ka shkaruar 49-vjeçarja në mbishkrimin e fotografive, të cilat në vetëm pak orë pas publikimit, kanë rrëmbyer pëlqimet e miliona fansave të çiftit.
Përndryshe, Alex është gjashtë vite më i ri se J.Lo, dhe së bashku çifti janë njohur në vitin 2017. /Telegrafi/
