Të shtunën, këngëtarja e “If You Had My Love”, Jennifer Lopez, ka folur gjerë e gjatë me Oprah për karrierën e saj profesionale e po ashtu edhe për fejesën me Alex Rodriguez.
Ky i fundit i propozoi aktores së “Hustlers” në mars të vitit 2019, gjersa çifti u njoftuan me njëri-tjetrin në 2017.
“Është shumë qesharake sepse kur ne u fejuam, unë isha si ‘Oh do të martohemi Brenda dy muajsh’. Mendimi yt i vjetër kthehet menjëherë, të gjitha ato gjëra [romantike] të pashpresa që më bënë të martohesha tri herë”, tha ajo.
“Alex është si, ‘çfarë do të dëshironi të bëjmë, ne mund të flasim pëe të’. Nëse ne do të jemi bashkë për pjesën tjetër të jetës atëherë nuk kemi nevojë të nxitojmë. Nëse vërtetë do të jemi partnerë në të ardhmen”, vazhdon ylli amerikan.
Interpretuesja e mahnitshme e “Super Bowl” vazhdoi të shpjegojë se marrëdhënia e saj me ish-lojtarin e bejsbollit është e ndryshme krahasuar me lidhjet e mëparshme për shkak të ‘qëndrueshmërisë’ së tij.
“Çfarë thotë Alex, ai bën gjithnjë. Dhe kjo është e madhe. Ai dëshiron të rritemi bashkë, gjë që nuk e kasha kurrë. Unë kurrë se kam pasur dikë që dëshironte të më shihte teksa rritesha, shkëlqeja dhe të jem unë”, vazhdon J.Lo.
Pavarësisht kësaj, Rodriguez i ka premtuar vetes se do të jetë gjithmonë fansi dhe mbështetësi numër një i saj. /Telegrafi/
