Jennifer Lopez ishte në formën më të mirë gjatë një mbrëmje festive në Itali.
Aktorja dhe këngëtarja, 54 vjeçe, u pa duke performuar disa nga këngët e saj hit para një turme në “Taverna Anema e Core” në Capri.
Lopez u pa e veshur me një fustan të argjendtë me shkëlqim, ndërsa mbante një mikrofon për shfaqjen e saj të improvizuar.
Me grim të lehtë, krijuesja e hiteve kishte përshtatur pamjen me një unazë të madhe diamanti në dorën e majtë, një unazë smeraldi në të djathtë dhe një palë vathë.
Taverna Anema e Core është e famshme për organizimin e netëve të këngës dhe vallëzimit ku shumë personazhe të famshëm janë bashkuar për të kënduar një ose dy këngë.
Videoja e kapur nga vendi i ngjarjes tregon fituesen e “Grammy”, duke perforuar hitin e saj “Let’s Get Loud”, bashkë me “I Will Survive”.
Në faqen e internetit të Tavernas thuhet se artistja kishte qëndruar atje për vizitë shumë vite më parë me ish-bashkëshortin e saj Marc Anthony.
Performanca e improvizuar dukej se e mbylli udhëtimin e saj në formën më të mirë.
Ylli i muzikës dukej se ishte në Itali në një pushim pune duke promovuar koktejet e saj të markës “Delola”.
Ajo e hapi kompaninë në prill, në mes të disa polemikave, pasi nuk konsumonte alkool për një kohë të gjatë.
Ndërkohë, JLo u pa të dielën pasdite (13 gusht) duke mbërritur në aeroportin JFK në New York veshur me një trupore me mëngë të shkurtra. /Telegrafi/
