CEO të teknologjisë dhe pasanikë të tjerë amerikanë përgëzuan Presidentin e zgjedhur Joe Biden dhe Zëvendës Presidenten e zgjedhur Kamala Harris pas fitores së tyre në zgjedhjet presidenciale të SHBA-së të shtunën.
CEO i Amazon Jeff Bezos festoi fitoren e Biden dhe Harris në një postim në Instagram. Bezos tha se fitorja e tyre nënkupton se “uniteti, ndjeshmëria dhe mirësjellja nuk janë karakteristikat e një epoke të kaluar”, transmeton Telegrafi.
Bezos ka pasur një marrëdhënie jo të mirë me Presidentin Donald Trump gjatë gjithë presidencës së tij. Trump ka marrë në shënjestër vazhdimisht Bezos mbi pronësinë e tij mbi ‘The Washington Post’.
Themeluesi i Microsoft Bill Gates, i cili ka qenë një kritik i zëshëm i përgjigjes së coronavirusit të Trump, tha se ai priste me padurim të “punonte me administratën e re dhe udhëheqësit në të dy palët në Kongres për të marrë nën kontroll pandeminë e furishme”.
Congratulations to President-Elect Biden and Vice President-Elect Harris. Thank you to the election officials and campaign workers who worked tirelessly to ensure a record number of Americans could cast a ballot and have it counted during such an challenging time for our country.
— Bill Gates (@BillGates) November 7, 2020
COO në Facebook Sheryl Sandberg dhe Priscilla Chan, gruaja e CEO-s së Facebook Mark Zuckerberg dhe bashkëthemeluese e Iniciativës Chan Zuckerberg, të dyja uruan Harris për fitoren e saj historike, e cila e bën atë gruan e parë me ngjyrë dhe personin e parë me origjinë nga Azia Jugore që zgjidhet nënkryetare. /Telegrafi/