Është zhvilluar edhe ndeshja e dytë gjysmëfinale e Australian Open ndërmjet Daniil Medvedev dhe Stefanos Tsitsipas, ku tenisti rus fitoi 3:1 me sete.
Por rusi e humbi plotësisht kontrollin pas përfundimit të setit të dytë.
Setin e parë Medvedev e fitoi me rezultatin 7:6 (5), ndërsa në të dytin greku fitoi me rezultat 6:4.
Mirëpo, pas pikës së fundit në setin e dytë, Medvedev akuzoi rivalin për sjellje jo sportive dhe nuk hezitoi ta shfryjë inatin te gjyqtari i ndeshjes, Jaume Campistol.
Medvedev u ankua se babai i Stefanos dhe trajneri Apostolos vazhdimisht i jepnin udhëzime tenistit grek, gjë që është e ndaluar.
“A je i çmendur? A mund të flasë babai i tij pas çdo pikë? A je budalla? Zoti im, je kaq i keq”.
“Si mund të jesh i tillë në gjysmëfinalen e Grand Slam-it? Më shiko mua! Unë po flas me ty!”, ishin fjalët e Medvedev, por që ishin të kota pasi gjyqtari nuk reagoi.
MEDVEDEV BLOWS UP! 😡😡
The Russian has sensationally accused Tsitsipas of being coached and has GIVEN IT to the umpire over it too! 🤯🤯#AusOpen – live on Channel 9, 9Now and Stan Sport. pic.twitter.com/8Xa3qOjvnf
— Wide World of Sports (@wwos) January 28, 2022
Medvedev do të luajë në finale të dielën me Rafa Nadal. /Telegraf/