Shefja e Grupit Parlamentar të Lëvizjes Vetëvendosje (LVV), Mimoza Kusari-Lila, bëri të ditur se të martën e javës së ardhshme do të mbahet seancë solemne për nder të 26 vjetorit të Epopesë së Ushtrisë Çlirimtare të Kosovës.
Kusari-Lila pas mbledhjes së kryesisë në një konferencë për media tha se seanca e rregullt plenare do të mbahet të enjten nga ora 10:00.
“Kuvendi do të mbajë një seancë të martën më datë 5 mars, nga ora 10:00 e cila shënon 26 vjetorin e Epopesë së UÇK-së. Ndërsa, nga mbledhja që u mbajt sot, kryesia u dakordua që më 7 mars në ora 10:00, të ketë seancë me disa pikat të rendit të ditës”, ka deklaruar Kusari-Lila. /Telegrafi/