Instituti për Bashkëpunim Ndërkombëtar i Bashkësisë së Shkollave të Larta Popullore Gjermane (Deutscher Volkshochschul-Verband e.V. – DVV), në bashkëpunim me Ministrinë e Arsimit dhe Shkencës në Kosovë, kanë organizuar Javën virtuale të edukimit tërë-jetësor, që do të mbahet gjatë ditëve 30 nëntor deri më 4 dhjetor 2020. Organizimi i kësaj jave bëhet me qëllim të analizimit të gjendjes aktuale të arsimit për të rritur dhe edukimit tërë-jetësor në Kosovë, gjatë dhe pas pandemisë COVID-19 në Kosovë.
Java virtuale e edukimit tërë-jetësor synon të sjellë së bashku të gjithë akterët në fushën e arsimit në Kosovë, respektivisht nxënësit, të rriturit, mësimdhënësit, udhëheqësit dhe politikë-bërësit e arsimit, për të diskutuar çështjet e edukimit tërë-jetësor. Përmes aktiviteteve të organizuara gjatë kësaj jave, synohet rritja e nivelit të ndërgjegjësimit për rëndësinë e edukimit tërë-jetësor, dhe për t’iu përgjigjur sfidave të ndryshme në arsim të shkaktuara nga pandemia Covid-19, në Kosovë.
Të gjithë të interesuarit për pjesëmarrje në aktivitetet e organizuara gjatë Javës virtuale të edukimit tërë-jetësor, mund të regjistrohen duke plotësuar të dhënat përmes link-ut në vijim: https://forms.gle/QigJmMVKZ8ussTaR7