Në edicionin e 11-të të Javës Globale të Ndërmarrësisë, GEW 2023 mbrëmjen e së enjtes është mbajtur një panel diskutimi me Kristian Kabashin nga Numarics dhe “The Blank Collar”.
Kjo u bë e ditur nga faqja zyrtare e ICK-së përmes një postimi në rrjetin social në Facebook.
Tutje bëhet e ditur se Kabashi është vlerësuar së fundi me çmimin “Sipërmarrësi i Vitit” në Cyrih të Zvicrës.
“Duke shfrytëzuar ekspertizën e tij në të menduarit e projektimit dhe metodologjitë e shkathëta, ai ka ndihmuar organizatat në një sërë industrish të lundrojnë në sfidat komplekse, të transformojnë bizneset e tyre dhe të arrijnë rritje të konsiderueshme”, thuhet në postim.
Po ashtu bëhet e ditur përmes këtij postimi se Kabashi është një nga shembujt më të mirë në shoqërinë tonë. /Telegrafi/
