Me shënimin e aktiviteteve të ndryshme në qytetin e Gjakovës po vazhdon Java e Frankofonisë.
Përmes programit të aktiviteteve të kësaj jave të rëndësishme për kulturën franceze, është paraparë që me datë 26 mars në Teatrin e Qytetit “Hadi Shehu” në Gjakovë me fillim nga ora 20:00 të shfaqet shfaqja “Antigonat”.
Kjo shfaqje është një interpretim unik i tragjedisë së famshme nga Sofokliu dhe Jean Anouilh, sjellë në skenë nga dramaturgu Jeton Neziraj dhe regjisori Erson Zymberi.
Përmes kësaj shafqjeje ku “Antigonat” janë nënat, gratë e motrat tona të cilat me kurajo e vendosmëri e sfidojnë harresën, e sfidojnë arrogancën dhe përbuzjen shoqërore, ku pikërisht përmes kësaj shfaqjeje, synohet të tërhiqet vëmendja e patriarkatit, jo më vetëm si shtypës dhe si pengues i prosperitetit e zhvillimit shoqëror, por edhe si formë e shtypjes së njërës prej ndjenjave më sublime: domosdoshmërisë së njeriut për të kujtuar e për të mbajtur mend.
Në këtë shfaqje luajnë aktorët: Vlora Dervishi, Bujar Ahmeti, Vlera Pylla, Besfort Berberi, Myrvete Kurtishi, Edmond Hafizademi, Arbies Komoni, Altina Kusari. /Telegrafi/