Për më shumë se 20 orë xhirim, është realizuar dokumentari i emëruar “Java e ferrit me trajnerin e SWAT-it- Uliks Gjonaj”, në të cilin kishte pjesëtarë të Policisë së Kosovës dhe FSK-së, bashkangjitur këtu edhe 13 vajza që u bënë pjesë e trajnimit për vetëmbrojtje. Gjithë këtë dokumentar e ka xhiruar ekipi i emisionit “Radar”, me Edita Dolin, në RTV Dukagjini
Dokumentari “Java e ferrit me trajnerin e SWAT-it, Uliks Gjonaj, pasqyron secilin detaj të trajnimit për vetëmbrojtje ku policë, ushtarak si dhe gra e vajza sfiduan veten në limitet më ekstreme nga instruktori i SWAT-it.
Ky trajnim u realizuar në bashkëpunim me emisionin “Radar” me Edita Doli, në RTV Dukagjini.
Në përmbyllje instruktori, Uliks Gjonaj, tregoi për performancën e pjesëmarrësve në trajnim.
Ai të mërkurën e 12 Tetorit, i ftuar në emisionin “Radar”, u shpreh më se i kënaqur me pjesëmarrësit në këtë trajnim, veçanërisht grupin e vajzave për të cilat tha se është befasuar me forcën dhe trimërinë e tyre.
“Më keni befasuar. Tash e tutje “Never give up”, sepse ju jeni të përgatitura për çdo situatë. Nuk guxoni të thuani se nuk guxojmë, sepse ju tashmë jeni të gatshme për çdo luftë” ka thënë Gjonaj në emisionin “Radar”.
Puna e instruktorit të forcave elitare botërore SWAT, Uliks Gjonaj për këtë trajnim ka qenë vullnetare. Ai ka thënë se këtë e ka bërë vetëm për të kontribuuar për të rinjtë dhe të rejat në Kosovë e Shqipëri.
Grupi i policëve dhe ushtarëve që ishin pjesë e këtij trajnimi për gjashtë ditë u certifikuan në nivele të ndryshme varësisht nga performanca që kanë pasur.
Ndërkaq, grupi i vajzave dhe grave u çertifikuan njejtë.
Më poshtë mund ta ndiqni dokumentarin “Java e ferrit me trajnerin e SWAT-it – Uliks Gjonaj”./RTV Dukagjini/
