Ylli i Game of Thrones, Jason Momoa, arriti famë të madhe pas rolit të Khal Drogo, e që thuhet se pasuria e tij që nga aty vlerësohet 14 milionë dollarë.
Pas përfundimit të këtij seriali të shumëpëlqyer, ai ka rrëfyer se në fillim të xhirimeve për pak mbeti i pastrehë, sepse nuk kishte para mjaftueshëm të paguajë fluturimin e të kthehej në shtëpi.
Me anë të një postimi të publikuar në llogarinë e tij në Instagram, Momoa ka treguar se si këtë vështirësi financiare e ktheu në një aventurë.
Jason vendosi të jetojë në furgon dhe të shëtisë gjithë Irlandën me shokun e tij, Brian Andrew Mendoza, gjersa po xhironin disa pjesë të serialit.
“Kur po xhironim GOT, kishim pushim. Nuk kishim para të ktheheshim në shtëpi, kështu që vendosëm të merrnim një furgon me qira në Belfast dhe vozitëm rreth e rrotull këtij vendi të bukur, e po kërkonim birrën më të mirë të vendit”, ka treguar ndër të tjerash ai. /Telegrafi/